Teaterrottene på superhemmelig oppdrag

Velkomen til ei teaterframsyning for barn (4 år og oppover).

Mellom hyllene, bak disken og i kjellaren er det rottene som styrar og ordnar. Dei er dei usynlege hjelparne som lappar og fiksar på bøker og vaskar og kostar slik at alt går knirkefritt på biblioteket kvar einaste dag.
MEN - No er det nok, tykkjer Pernille og rottefetter Jeppe. Dei gidd ikke meir, dei er lei av å alltid måtte rydda og ordne. De bestemmer seg for å snike seg unna kjedelege oppdrag - utan at Rottebestemor veit det!

Når dei endeleg er fri fra rottepliktene kjem dei plutseleg over eit publikum på biblioteket å være saman med. Jeppe og Pernille kan ikkje stå i mot den store freistinga, dei må underhalde dei!

Med sang, musikk og kanskje til og med litt ramping, tek dei publikum med på eit eventyr utanom det vanlege. Vil Jeppe og Pernille klare å halde seg skjult for biblioteksjefen og samtidig gje publikum den beste opplevinga nokonsinne?

Av og med: Lina Taule Fjørtoft og Toivo Fjose
Musikar og komponist: Toivo Fjose
Kostyme og sminke: Teatret Vårt/ Lina Taule Fjørtoft