Med appen BookBites kan du låne e-bøker og lydbøker til både barn og vaksne. Det er gratis å låne bøker i BookBites.

Last ned appen til mobilen eller nettbrettet ditt i Google Play eller App Store. Opprett ein brukar ved å følgje instruksane i appen.

For å bruke BookBites treng du eit lånekort. Dersom du ikkje har lånekort frå før, kan du registrere deg her eller kontakte oss i biblioteket. Dersom du bestiller eit digitalt lånekort må du aktivere det hos oss før du kan gå i gang med å låne bøker i BookBites.

Er du elev eller tilsett i grunnskule eller vidaregående skule? Då kan du bruke Feide til å logge inn i BookBites. Du nyttar ditt vanlege brukarnamn og passord for å logge inn. Du treng ikkje lånekort frå biblioteket dersom du brukar Feide som innloggingsmetode.